ಸುವರ್ಣ ಗೆಡ್ಡೆ ಪಲ್ಯ(ಕೇರಳ ಸ್ಟೈಲ್)

ನನ್ನ ಮಗಳು ಅವಳ ಸ್ನೇಹಿತೆಯ ಮನೆಯಲ್ಲಿ ತಿಂದ ಪಲ್ಯವನ್ನು ತುಂಬಾ ಹೊಗಳಿದ್ದಳು. ರೆಸಿಪಿಯನ್ನು ಕೇಳಿ ನಾನೂ ಮಾಡಿ ನೋಡಿದೆ. ಅವಳು ಹೇಳಿದ್ದುದು ಸತ್ಯವಾಗಿತ್ತು. ನಿಮಗೂ ತಿಳಿಯಲಿ ಎಂದು ಬರೆಯುತ್ತಿದ್ದೇನೆ. ತಯಾರಿಸಿ ತಿಂದು ಖುಷಿ ಪಡಿ. 

ಸಾಮಾಗ್ರಿಗಳು:-1.ತೆಳ್ಳಗೆ ಹೆಚ್ಚಿದ ಸುವರ್ಣ ಗೆಡ್ಡೆ ಹೋಳುಗಳು ಎರಡು ಕಪ್ 

                         2.ನೆನೆಸಿ ಬೇಯಿಸಿದ ಕಡ್ಲೆ ಅರ್ಧ ಕಪ್ 

                         3.ಈರುಳ್ಳಿ ಚೂರು ನಾಲ್ಕು ಚಮಚ, ಬೆಳ್ಳುಳ್ಳಿ ಚೂರು ಎರಡು ಚಮಚ 

                         4.ತೆಂಗಿನ ತುರಿ ನಾಲ್ಕು ಚಮಚ 

                         5.ಒಗ್ಗರಣೆಗೆ-ಎಣ್ಣೆ ಎರಡು ಚಮಚ, ಕೆಂಪು ಮೆಣಸು, ಉದ್ದಿನಬೇಳೆ, ಸಾಸಿವೆ, ಕರಿಬೇವಿನ ಸೊಪ್ಪು

                         6.ರುಚಿಗೆ ತಕ್ಕಷ್ಟು ಉಪ್ಪು,ಅರಸಿನ,ಬೆಲ್ಲ. ಖಾರದ ಪುಡಿ. 

ವಿಧಾನ :-ಬಾಣಲೆಯನ್ನು ಬಿಸಿಗಿಡಿ. ಒಗ್ಗರಣೆ ಹಾಕಿ ಈರುಳ್ಳಿ, ಬೆಳ್ಳುಳ್ಳಿ, ತೆಂಗಿನತುರಿ ಫ್ರೈ ಮಾಡಿ. ನಸುಕಂದುಬಣ್ಣಬಂದಾಗ

               ತರಕಾರಿ ಹಾಗೂ ಬೇಯಿಸಿದ ಕಡ್ಲೆಯನ್ನು ಹಾಕಿ(ಕಡ್ಲೆ ಯನ್ನು ಮೊದಲೇ ನಾಲ್ಕು ವಿಸಿಲಲ್ಲಿಬೇಯಿಸಿಕೊಳ್ಳಿ).ಉಪ್ಪು,

               ಅರಸಿನ, ಬೆಲ್ಲ, ಮೆಣಸಿನ ಪುಡಿ, ಸುವರ್ಣ ಹೋಳುಗಳು ಬೇಯಲುಬೇಕಾದಷ್ಟುನೀರು   ಹಾಕಿ

               ಮುಚ್ಚಿಬೇಯಿಸಿ.ನೀರಿನಂಶ ಪೂರ್ತಿಯಾಗಿ ಆರಿದ ಮೇಲೆ ಬೆಂಕಿಯಿಂದ ಇಳಿಸಿ. ಅನ್ನದೊಂದಿಗೆ ಸರ್ವ್ ಮಾಡಿ.